Индонезияда ТикТок жылдызы чочконун этин жеген видеосу үчүн эки жылга кесилди

Индонезияда белгилүү ТикТок жылдызы Лина Лютфиавати чочконун этин жеп жаткан видеосу үчүн эки жылга кесилди. Түштүк Суматра провинциясындагы Палембанг шаардык соту 33 жаштагы блогерди "динге акаарат келтирди" деген айып менен эки жылга эркинен ажыратып, 16 миң доллар айып пул салды. Лина Лютфиавати март айында өзүнүн ТикТок каналында Балиде чочконун эти кошулган тамак жеп жатканы чагылдырылган видео чыгарган. Ооз тиер алдында ал «бисмиллях» деп айткан. Сотто блогер өз аракеттери үчүн өкүнөрүн айтып, кечирим сурады.