Көлбаевдин кылмыштуу тобунун төрт мүчөсү тергөө аяктаганга чейин камалды

Бишкек шаарынын Биринчи Май райондук сотунун чечими менен криминалдык лидер Камчы Асанбектин (Көлбаев) уюшкан кылмыштуу тобунун мүчөлөрү – Алтуха, Протез, Кеня жана А.К. деген аттар менен таанымал (А.И., К.Т., А.К. жана А.Ш.) төрт киши тергөө мөөнөтү аяктаганга чейин камакка алынды. Бул тууралуу Улуттук коопсуздук боюнча мамлекеттик комитет (УКМК) кабарлады. Маалыматка караганда, алар 23-майда Бишкек шаарынын жана Чүй облусунун аймагындагы кылмыштарга байланыштуу козголгон иштин алкагында кармалган.