Қазақстанда күн қайта ысиды: 6 қыркүйекке арналған ауа райы болжамы

"Қазгидромет" жексенбі, 6 қыркүйекке арналған ауа райы болжамын ұсынды. Қазақстанның көп қаласында жауын-шашынсыз, күн жылы болады. Сонымен қатар, синоптиктер кей жерлерде найзағай ойнап, өткінші жаңбыр жауатынын, шаңды дауыл тұрып, екпінді жел соғатынын болжайды, - деп хабарлайды Tengrinews.kz. Астана - күн құбылмалы болады, жауын-шашынсыз. Жел шығыстан соғады, кейін оңтүстік-батысқа ауысады, жылдамдығы секундына 3-8 метр. Ауа температурасы түнде 13-15 градус жылы, күндіз 28-30 градус жылы болады.