Ислам Махачев UFC титулы үшін өткен жекпе-жекте Иэн Гэрриді жеңді

Жартылай орта салмақтағы UFC чемпионы Ислам Махачев ирландиялық Иэн Гэрриді жеңіп, чемпиондық белбеуін қорғап қалды, - деп хабарлайды Tengri Sport. Жекпе-жек Филадельфияда (АҚШ) өткен UFC 330 турнирінің басты оқиғасы болды. Алғашқы минуттардан бастап Махачев лоу-киктермен жұмыс істеп, көп ұзамай алғашқы тейкдаунын жасады. Гэрри тордың қасында түрегелуге тырысқанымен, чемпион оны бақылауда ұстап, аяғы мен денесінен тіземен соққылар бағыттады. Айтарлықтай ауыр зақым келмесе де, толық бақылау Махачевтің еншісінде болды.