Бас прокуратура: Боқаев ірі көлемде алаяқтық жасады деген күдікке ілініп отыр

Белсенді Санжар Боқаев ұлттық компанияда істеген кездегі жұмысына қатысты күдікке ілінген. Бұл жөнінде 2 сәуірде бас прокурордың орынбасары Ерлан Өтегенов айтты. Оның сөзінше, Боқаев “Алаяқтық жолмен ірі көлемде ақша жымқыру” (190-бап) және “Ағаштар мен бұталарды заңсыз кесу, жою немесе зақымдау” (340-бап) бойынша күдікке ілінген. Бірақ мәселе нақты қандай жымқыру туралы болып отырғанын айтпады. “Бұл оның ұлттық компанияда істеген кезінде болған” деді прокурордың орынбасары. Нақты жылдарын да айтпады.