Трамп Иранды бейбітшілік бітіміне тезірек келісуге шақырды

АҚШ президенті Дональд Трамп бейсенбі күні Иранды тезірек бейбіт бітімге келуге шақырды. Оның айтуынша, егер бұл айтқаны орындалмаса, "кері қайтар жол болмайды" және АҚШ Иранға қарсы шабуылдарын күшейтеді. Трамп Иран өкілдерінің "түсініксіз" әрекетіне таңғалатынын айтты. Оның сөзінше, Иран жағы АҚШ-пен келісім жасауды "өтініп" отыр, бірақ көпшілік алдында басқаша сөйлеп, тек америкалық ұсыныстарды қарастырып жатқанын айтады. "Мұнысы дұрыс емес! Кеш болмай тұрғанда байыпты болулары керек", деді Трамп.