Мойынқұмда жел электр станциясы салынады

Қазақстанда «жасыл экономикаға» көшу аясында жаңартылатын энергия көздерін дамыту жүйелі түрде жалғасуда. Бұл бағытта жел энергетикасын дамыту және күн мен жел энергиясын тиімді пайдалану технологияларын енгізу басымдыққа ие.

Жамбыл облысының Мойынқұм ауданында француз инвесторларының қатысуымен қуаты 1 ГВт болатын «Мирный» жел электр станциясының құрылысы жүзеге асырылуда. Жоба өңірдің энергетикалық әлеуетін арттыруға және елдегі «жасыл» энергия үлесін көбейтуге бағытталған маңызды бастама болып табылады.