Қазақ елі түбегейлі тарихи таңдауын жасады — Мемлекет басшысы

Президент Қасым-Жомарт Тоқаев республикалық референдум барысында жүргізілген экзит-полл қорытындысымен танысты. Бұл туралы Ақорданың баспасөз қызметі хабарлады.

«Қазмедиа орталығының» студиясында экзит-полл нәтижелері таныстырылғаннан кейін Мемлекет басшысы мәлімдеме жасады.

— Бүгін — Қазақстан үшін тарихи күн! Еліміздің азаматтары конституциялық реформаны қолдап, референдумға белсенді түрде қатысты. Отанымыздың болашағын ойлап дауыс берді. Бұл — өте жақсы оқиға. Қазір ғана экзит-поллдың нәтижелері шықты.