Бұл мен үшін тарихи сәт — Өзбекстанда бірінші болып дауыс берген қазақстандық

Өзбекстан астанасындағы Қазақстан елшілігінде орналасқан референдум учаскесі жергілікті уақыт бойынша сағат 07:00-де өз жұмысын бастады, деп хабарлайды Kazinform агенттігінің Ташкенттегі меншікті тілшісі.  

Ташкентте шет мемлекеттердегі ең ірі учаскелердің бірі орналасқан. Бүгінде мұнда Өзбекстанда тұрақты тұратын және уақытша жүрген 755 Қазақстан азаматы дауыс бермек.

Ең алғаш болып №431 учаскеде Жорабай Кучкаров өз таңдауын жасады. Ол конституциялық реформа ел үшін маңызды әрі жауапты сәт екенін атап өтті.