Қазақстан Таяу Шығыс елдерінен өз азаматтарын эвакуациялауды аяқтады

Қазақстан Таяу Шығыс елдерінен өз азаматтарын эвакуациялауды аяқтады. Бұл жөнінде 14 наурызда Қазақстан сыртқы істер министрлігі хабарлады. Ведомствоның мәліметінше, Таяу Шығыста ахуал ушыққалы бері сол жақтан 10 275 қазақстандық әуе және құрлық жолы арқылы қайтарылған. Бұған дейін Таяу Шығыс елдерінде қалған бірқатар азамат Қазақстанға ұшып жатқан рейстердің аздығына шағымданған еді. 28 ақпанда АҚШ пен Израильдің Иранға шабуылынан соң Таяу Шығыс елдерінде жүрген мыңдаған қазақстандық елге қайта алмай қалған.