Миллиардтаған шығын, жүздеген жәбірленуші: Семейде даулы іс қаралып жатыр

Семейде қаржы пирамидасына сеніп, сан соғып қалғандардың қатары 140-тан асып кеткен. Жәбірленушілердің арасында бес баласымен далада қалғандар бар. 200 миллион теңгесін алаяқтардың қолына өз еркімен санап бергендер де бар. Келтірілген шығын 1 миллиард теңгеден асады, - деп хабарлайды Tengrinews.kz тілшісі "Жетінші арнаға" сілтеме жасап. Бір жарым жылдан бері пәтер жалдап жүрген семейлік Гүлсая Дүйсекенова 2024 жылы қаржы пирамидасының құрбаны болғанын айтады. Оның сөзінше, танысы "ақша салсаң, бес балаңмен кең үйге кіресің" деп сендірген.