Иран жоғарғы көшбасшысының өлімін растады: елде аза тұту жарияланды

Иранның жоғарғы көшбасшысы Әли Хаменеи АҚШ пен Израильдің операциясы салдарынан қаза тапты. Бұл ақпаратты Иранның Tasnim, IRNA, ISNA, Mehr және Fars мемлекеттік агенттіктері растады. Елде аза тұту жарияланып, демалыс күндері белгіленді, - деп хабарлайды Tengrinews.kz тілшісі. Ирандық БАҚ мәліметінше, Ислам революциясының жоғарғы көшбасшысы өзінің жұмыс орнында көз жұмған. "Ол шәһид болған сәтте өзіне жүктелген міндеттерін атқарып, жұмыс орнында отырған. Бұл қорқақтардың шабуылы сенбіді таңсәріде жасалды", - деп хабарлайды Tasnim агенттігі.