Қырғызстан президенті Садыр Жапаров Ташиевтің отставкасы туралы сұраққа жауап берді

Қырғызстан президенті Садыр Жапаров алғаш рет ұлттық қауіпсіздік жөніндегі мемлекеттік комитеттің бұрынғы төрағасы Қамшыбек Ташиевті отставкаға жіберу себебін түсіндірді. Kabar.kg басылымына берген сұхбатында Жапаров мұндай шешім қоғам мен билік арасындағы жікшілдікке жол бермес үшін қабылданғанын айтты. Қырғызстан президенті қоғамда осы мәселе қызу талқыланғаннан кейін жағдайды өзі түсіндіруді жөн көргенін айтты. Оның сөзінше, Жогорку кеңеште жекелеген депутаттық топтар "кімнің жағындасың?" деп сұрап, "бөліне" бастаған.