Қырғыз парламентінің спикері қызметінен кетті

Қырғызстан парламентінің спикері Нұрлан Тұрғынбекұлы қызметінен кетті. Депутаттар алдында сөз сөйлеген ол өзі Түркияда іссапарда жүрген кезде елде саяси өзгерістер болғанын атап өтті. "Мен жекелеген адамдарға қызмет етпеймін, қырғыз халқы, парламенті мен мемлекетке қызмет етемін. Сондықтан мені бір адаммен байланыстыру дұрыс емес. Бірақ бізде саяси мәдениет қалыптасуы керек: Жоғарғы кеңес спикері қызметінен кету туралы шешімді өзім қабылдадым" деді ол. Ол отставкаға кету туралы шешімді өзі қабылдағанын, өзіне ешкім қысым жасамағанын айтты.