Қазақстан үкіметі екінші АЭС те Жамбыл ауданында салынады деп ұйғарды

Қазақстанда екінші атом электр станциясы (АЭС) салынатын орын ресми түрде бекітілді. Тиісті қаулыға премьер-министр Олжас Бектенов 26 қаңтарда қол қойып, құжат сол күннен бастап күшіне енген деп жазды жергілікті басылымдар. Қаулыға сәйкес, елдегі екінші АЭС те Алматы облысы Жамбыл ауданы аумағында салынады деп белгіленді. "Екінші атом электр станциясы" ядролық қондырғысын (бұдан әрі – ядролық қондырғы) салу және Алматы облысының Жамбыл ауданы – ядролық қондырғы салынатын аудан туралы шешім қабылдансын", – деп жазылған үкімет қаулысында.