Тоқаев қазақстандық банк шетелге 7 трлн теңгені "заңсыз жібергенін" айтады

Қазақстан президенті Қасым-Жомарт Тоқаев елдегі банктердің бірі шетелдерге 7 триллион теңгеден (шамамен 14 млрд доллар) аса қаржыны заңсыз "жөнелткенін" мәлімдеді. Бұл туралы Тоқаев Қаржылық мониторинг агенттігіндегі жиында айтты. "Жақында [Қаржылық мониторинг агенттігінің] төрағасы [Жанат] Элиманов қазақстандық банктердің бірі арқылы былтыр көршілес елден басқа мемлекеттерге 7 триллион теңгеден астам қаржы "жөнелтілгені" туралы баяндады. Менің ойымша, бұл заңға, экономикаға, тіпті саясатқа қайшы келетін ерсі жағдай.