Белсенді Яра Тычина Астанада 3 желтоқсанда пикетке шыққаны үшін жауапқа тартылды

19 қаңтарда Астананың ауданаралық әкімшілік соты трансгендер-белсенді Яра Тычинаны 2025 жылғы 3 желтоқсанда "ЛГБТ-насихатқа" тыйым салуды көздейтін заң жобасына қарсы жалғыз адам пикетіне шыққаны үшін кінәлі деп таныды. Мұны REQUEST құқық қорғау бастамасы хабарлады. Сот оған Әкімшілік құқық бұзушылық туралы кодекстің бейбіт жиналыс өткізу тәртібі жөніндегі 488-бабы бойынша 129 750 теңге (шамамен 255 доллар) айыппұл салған. Яра Тычина былтыр 3 желтоқсанда Астанада жалғыз адам пикетін өткізгеннен кейін ұсталған.