Қазақстанның FIFA Series турниріндегі қарсыластары анықталды. Матчтар Астанада өтеді

Қазақстанда биыл FIFA Series-2026 турнирінің бір тобы ойнайды. Бүгін, 19 қаңтарда FIFA Қазақстанға келетін құрамалардың тізімін жариялады. Бұл турнирде Қазақстан Африкадағы Комор аралдары және Намибия елдерімен, Азиядағы Кувейт елімен бір топта ойнайды. Жарыс 23-31 наурызда Астанада өтеді. FIFA Series – әр құрлықтағы елдер жолдастық матч ретінде ойнайтын турнир. 48 елдің құрамасы 12 топқа бөлініп, жолдастық кездесу өткізеді. Биылғы турнирдің бір тобы Өзбекстанда ойнайды. Өзбекстанға Габон, Тринидад және Тобого, Венесуэла келеді.