Құқық қорғаушылар Ирандағы наразылықтар кезінде 500-ден астам адам қаза тапқан дейді

Иранда екі аптадан астам уақыт жалғасып жатқан жаппай наразылықтар барысында қаза тапқандар саны 500 адамнан асқан. Бұл туралы Reuters агенттігі АҚШ-та орналасқан құқық қорғаушы белсенділер агентігінің (Human Rights Activist News Agency, HRANA) дерегіне сүйеніп хабарлады. Иран билігі қаза тапқандар саны жөнінде ресми дерек жариялаған жоқ, ал Reuters бұл ақпаратты тәуелсіз түрде растау мүмкін болмағанын айтып отыр. HRANA мәліметінше, наразылықтар салдарынан 490 демонстрант пен 48 күштік құрылымдар қызметкері көз жұмған.