Тараз қаласына 10 жаңа қоғамдық көлік жеткізілді

Тараз қаласында қоғамдық көлік қызметінің сапасын арттыру мақсатында №31 жаңа маршрут ашылып, қалалық тасымалдаушы «Smart City Service» мекемесі жеткізген 10 жаңа «Golden Dragon» автобусы жолға шықты.

Жаңа автобустардың 9-ы №31 маршрут бойынша қатынайды. Маршрут Ақбұлым алқабынан басталып, Кірпіш зауыты, Жауғаш батыр, Балуан Шолақ, Абай, Байзақ батыр, Комратов, Қонаев, Сейфуллин, Әл-Фараби, Төле би, Махамбет батыр көшелері арқылы өтіп, Ниетқалиев көшесінде аяқталып, Минералды тыңайтқыштар зауытына дейін жалғасады.