Полиция ҚазТАГ агенттігінің Астанадағы кеңсесін тінтуге келді

29 желтоқсан кешкісін ҚазТАГ агенттігінің Астанадағы кеңсесін полиция тінтуге келді. Тінту "көрінеу жалған ақпарат тарату" бабымен ҚазТАГ-тың үстінен қозғалған іс аясында жүргізіледі. ҚазТАГ-тың кеңсесі Астанадағы «Журналистер үйінің» (Мәңгілік ел, 8) 4-қабатында орналасқан. Оқиға орнында ҚазТАГ-тың бас редакторы Әмір Қасенов екі адвокатымен болды. Полицейлер келген сәтті Азаттық видеоға түсіріп, тараптардан комментарий алуға тырысты. Полицейлер "процеске кедергі келтірмеуді" сұраған соң Азаттық тілшілері түсірілімді тоқтатты.