Астанада түнгі клуб маңындағы төбелестен 18 жастағы жігіт мерт болған

Әлеуметтік желілерде Астанадағы түнгі клубтардың бірінің маңында төбелес болып, салдарынан 18 жастағы жігіт қаза тапқаны жөнінде ақпарат тарап жатыр. Бұл туралы Tengrinews сайты жазды. Желі қолданушылар Threads платформасында "мекеме маңында жас жігітті пышақтап кеткен" деген мазмұнда пікірлер жазған. Астана қалалық полиция департаментінің баспасөз қызметі басылым сауалына берген жауабында бұл оқиғаға байланысты кісі өліміне әкеп соққан қасақана ауыр дене жарақатын салу бабы бойынша сотқа дейінгі тергеу амалдары басталғанын айтқан.