Президент Бауыржан Момышұлына “Халық қаһарманы” атағын беру туралы жарлыққа қол қойды

Президент Қасым-Жомарт Тоқаев Бауыржан Момышұлына “Халық қаһарманы” атағын беру туралы жарлыққа қол қойды. Бұл жөнінде Ақорда хабарлады. “Халқымыз оны қаһарман тұлға ретінде құрмет тұтады. Бірақ әйгілі батырға ресми түрде «Халық қаһарманы» атағы берілмеген. Облыс жұртшылығы, зиялы қауым өкілдері, тіпті, жастарымыз да осы мәселені көтеріп жүргенін білеміз. Тарихи әділдікті қалпына келтіруіміз керек” деді Тоқаев. 25 желтоқсанда президент Қасым-Жомарт Тоқаев елдің оңтүстігіндегі Жамбыл облысына сапарлаған.