Алматыда жұрт актер Асанәлі Әшімовті ақтық сапарға шығарып салды

Алматыда жұрт актер Асанәлі Әшімовті ақтық сапарға шығарып салды. Актермен қоштасу рәсімі Абай атындағы қазақ ұлттық опера және балет театрында өтті. Қаралы жиынға өте көп адам қатысты. Келгендердің көбі театр ғимаратына сыймай қалды. Қоштасу рәсіміне қатысқандар арасында мемлекеттік кеңесші Ерлан Қарин, мәдениет және ақпарат министрі Аида Балаева, қала әкімі Дархан Сатыбалды, мәдениет саласының өкілдері бар. – Асанәлі ағамыз ұлы өнердің аңызы, ұлт руханиятының абызы еді. 20 жасында театр сахнасында жарқырады.