Шыңжаңда жер сілкініп, Алматыда дүмпуі сезілді

22 желтоқсанда Астана уақытымен сағат 2:16 кезінде Алматы қаласында жерасты дүмпуі сезілді. Бұл туралы Қазақстан ұлттық деректер орталығы (ҚҰДО) хабарлады. ҚҰДО дерегінше, магнитудасы 5 балл жер сілкінісінің ошағы Қытайдың Шыңжаң-ұйғыр автономды аймағы аумағында, Қырғызстанмен шекараға жақын маңда, Алматыдан оңтүстікке қарай 270 шақырым қашықта тіркелген. Алматыдағы жерасты дүмпуі 2 балл болды деп хабарлады ҚҰДО. Табиғат құбылысынан адамдар зардап шеккені я дүние-мүлік қирап-бүлінгені туралы хабар түскен жоқ.