Байзақ ауданында жаңа спорт кешені пайдалануға берілді

Жамбыл облысы Байзақ ауданының Сарыкемер ауылында дене шынықтыру-сауықтыру кешенінің салтанатты ашылу рәсімі өтті.

л

Жалпы аумағы 1000 шаршы метрден асатын заманауи спорт нысанында волейбол, баскетбол, футбол, үстел теннисі үйірмелерімен қатар жаттығу залы жұмыс істейді.

Аталған кешеннің құрылысы Ұлттық қор мен облыстық бюджет есебінен қаржыландырылып, жобаның жалпы құны 302,5 млн теңгені құрады. Құрылыс жұмыстарын «Bek Stroy – 2010» жауапкершілігі шектеулі серіктестігі жүргізді.