"Әділдік іздеп" Астанаға жаяу шыққан Қаңтар құрбанының жесірі Шапағат Қадырова кері қайтты

2022 жылғы Қаңтар оқиғасы кезінде Алматыда оққа ұшқан Әкімжан Бектұрғанның жесірі Шапағат Қадырова 8 желтоқсанда "әділдік іздеп" Астанаға жаяу шыққан ұзақ жолдың жартысына жетпей, Алматыға оралды. Қадырова 8 желтоқсан күні Алматыдан Астананы бетке алып, жалғыз өзі жаяу кетіп бара жатқан кезде өзіне жолыққан Qazaq times тілшісіне Астанаға "әділдік іздеп бара жатқанын" айтқан еді. "Жолға қаражатым жоқ, қайырымды адамдар ала кетер" деген әйелді жолай көлігіне отырғызған адам қайтадан Алматыға алып кеткен.