Алматы соты Халық банктің шағымы бойынша Қожамжаровтың туыстарының активтерін бұғаттады

Алматының Медеу аудандық соты бұрынғы бас прокурор және сыбайлас жемқорлыққа қарсы агенттіктің бұрынғы төрағасы Қайрат Қожамжаровтың туыстарының 2,6 млрд теңге активін бұғаттады. Бұл жөнінде сот шешіміне сүйенген ҚазТАГ жазды. Мәселе Қайрат Қожамжаровтың туыстары Дулат Қожамжаров пен Гүлнәз Қожамжароваға тиесілі деп айтылатын "Ойл снаб" компаниялар тобы, "Hill Resources" ЖШС, "Hill Invest", "AvtoTehMas Ltd" компаниялары жөнінде болып отыр. Биыл қыркүйекте бас прокуратура Қайрат Қожамжаровқа қатысты тергеу басталғанын мәлімдеген еді.