Тоқаев президентті күзететін қызметтің құзіретін кеңейтті. Ол не үшін қажет болды?

Қазақстан президенті Қасым-Жомарт Тоқаев мемлекеттік күзет қызметінің құзырын кеңейтетін жарлық шығарды. Бұл – президенттің қауіпсіздігіне жауапты күштік құрылым. Бұған дейін МКҚ жоғары лауазымды тұлғалар мен маңызды нысандарды қорғайтын. Ал жаңа жарлыққа сәйкес, енді ол қорғаныс өнеркәсібі, әскери техникаларды сынақтан өткізу, қорғаныс нысандарын басқару, әскери-техникалық ынтымақтастыққа араласу сияқты жаңа өкілетке ие болды.