Тәліптер "әдепсіздікке жол бермес" үшін елдің солтүстігінде интернетті өшірді

Ауғанстан билігіндегі "Талибан" діни радикалдық қозғалысы "әдепсіздікпен күрес" шаралары аясында елдің солтүстігінде оптика-талшықтық интернетті өшірді. Associated Press жазуынша, мәселе Балх провинциясындағы интернетті өшіру жөнінде болып отыр. Дегенмен Reuters жазуынша, кабельді интернет елдің солтүстігіндегі бес аймақта да жоқ: Балх, Құндыз, Бадахшан, Бағлан және Тахар. "Мұндай шара әдепсіздікке жол бермес үшін қабылданып отыр, елде қажеттілікті қанағаттандырудың баламасы пайда болады" деді ауған үкіметінің өкілі журналистерге.