Трамп TikTok-ты бұғаттау мерзімін 16 желтоқсанға дейін ұзартты

АҚШ президенті Дональд Трамп Құрама Штаттар аумағында қытайлық TikTok әлеуметтік желісін бұғаттауды 16 желтоқсанға дейін кейінге шегерді, деп хабарлайды ТАСС.

Америкалық көшбасшының атқарушы жарлығы Ақ үй сайтында жарияланды.

Құжатта көрсетілгендей, аталған шегеру «2025 жылдың 16 желтоқсанына дейін ұзартылды». Осы уақыт аралығында АҚШ билігі TikTok-ты елде тыйым салынған платформаға айналдыратын заңда көзделген шараларды қабылдамауы тиіс, егер оның қытайлық бас компаниясы ByteDance оны сатпаса.