Жамбыл облысы әкімі аппараты талдау және сыртқы байланыс бөлімінің басшысы тағайындалды

Өңірлік кадр резервінің мүшесі Балаби Әлібиұлы Түменбаев Жамбыл облысы әкімі аппараты талдау және сыртқы байланыс бөлімінің басшысы болып тағайындалды. 

Балаби Әлібиұлы Шу ауданында 1993 жылы дүниеге келген. Білімі жоғары. 2015 жылы Қ.И. Сәтбаев атындағы Қазақ ұлттық техникалық зерттеу университетін «Мұнай-газ ісі», 2020 жылы Халықаралық гуманитарлық техникалық университетін «Құқықтану» мамандығы бойынша бітірген.

Еңбек жолын 2016 жылы Шу ауданы әкімдігінің тұрғын инспекциясы бөлімінің инспекторы болып бастаған.