Жоғарғы кеңестен "елбасына" дейін. Қазақстан авторитаризм жолына қалай түсті?

Халықаралық ұйымдар Қазақстанды авторитар саяси режим орнаған ел қатарына жатқызады. Сарапшылар Совет одағы күйреп, тәуелсіздік алған соң Қазақстан аз уақыт демократиялық жүйе құруға талпынды, алайда түрлі себептермен 1990-жылдардың ортасынан бастап авторитаризм жолына түсті деп санайды. Бұған СССР-дегі тоталитарлық саяси мәдениет кінәлі ме, әлде экономикалық қиындықтар осыған алып келді ме? Әлде бұл бүгін 85 жасқа толған Қазақстанның бірінші президенті Нұрсұлтан Назарбаевтың өз қалауы болды ма? Куәгерлер не айтады?