Қытай басшысы Си Цзиньпин Астанаға сапармен келді

Дүйсенбі, 16 маусым күні Қытай президенті Си Цзиньпин Астанаға сапармен келді. Ол мінген ұшақты Қазақстан шекарасынан Астанаға дейін Қазақстан әуе қорғаныс күштері ұшақтары алып жүрді деп хабарлады Ақорданың баспасөз қызметі. Қазақстан президенті Қасым-Жомарт Тоқаев Қытай басшысы Си Цзиньпинді Астана әуежайынан қарсы алды. Мәртебелі қонаққа құрметті қарауыл сап түзеп, Қазақстан мен Қытай туларын бейнелейтін жалауша ұстаған балалар қошемет көрсеткен. Қытай басшысы Астанаға Қазақстан президентінің шақыруы бойынша келіп отыр.