"Біздің Кемел атамыз". Қазақстанда (және сыртта) президенттің әкесін не үшін дәріптейді?

Кейінгі жылдары Қазақстан президенті Қасым-Жомарт Тоқаевтың әкесі, жазушы Кемел Тоқаевтың өмірі мен шығармашылығына ерекше мән берілетін болған. 2023 жылы елде оның 100 жылдығына орай салтанатты шаралар өтті. Одан кейін де жазушының есімі ақпарат айдынында жиі аталып жүр. Және бұл Қазақстанда ғана емес, шетелдерде де байқалады. Қырғызстан астанасында оның құрметіне мектеп ашылса, Ресейде бұдан 80 жыл бұрын марапатталғаны жайлы құжат архивтен алынып, ұлына табыс етілді.