Алматы тұрғыны жүргізуші куәлігін алуға емтихан тапсыру кезінде қоршауға соқтығысты

Алматыда арнайы ХҚКО-да көлік жүргізу куәлігін алуға практикалық емтихан тапсыру кезінде жол-көлік оқиғасы болды, - деп хабарлайды Tengrinews.kz тілшісі. "Азаматтарға арналған үкімет" мәліметінше, 2024 жылы ел бойынша осындай 48 оқиға тіркелген. Болашақ жүргізушілер жол белгілерін құлатып, жол жиегінен шығып кетіп, қоршауларға немесе басқа да емтиханға арналған көліктерге соқтығысқан. Бейнетіркеуіш кадрларында Chevrolet Cobalt жүргізушісі оңға қарай бұрылысқа келе жатып, белгісіз себеппен газ педалін басып, қоршауға соғылғаны көрінеді.