"Сыпайылық сақтамаған" Назарбаев. "Қаскөйлер". Үш АЭС. Тоқаев сұхбатында не айтты?

Қазақстан президенті Қасым-Жомарт Тоқаев "Ана тілі" газетіне берген сұхбатында 2025 жылы мәжіліс сайлауы өтпейтінін айтып, өзінің БҰҰ басшылығына барады деген сөздерді жоққа шығарды. Бұған қоса, уақыт белдеуі, елдегі экономикалық жағдай, АЭС құрылысы және экс-президент Нұрсұлтан Назарбаевтың билікке араласуы жайлы айтты. "МӘЖІЛІС САЙЛАУЫ УАҚЫТЫНДА ӨТЕДІ" Тоқаев сұхбатында БҰҰ бас хатшысы орынбасары ретінде үш жыл жұмыс істегені "артығымен жететінін" айтып, ел арасындағы "Тоқаев БҰҰ басшы болып кетеді" деген сөзді жоққа шығарды.