Алматыда мереке күндері автобустар мен метро қалай жүреді?

Алматы қалалық мобильділік басқармасы қоғамдық көліктердің мереке күндеріндегі жұмыс кестесін жариялады, - деп хабарлайды Tengrinews.kz тілшісі. Басқарма мәліметінше: 1 қаңтар - жолаушыларды тасымалдауға жылжымалы құрамның 50 пайызы шығады. 2–4 қаңтар - қоғамдық көлік демалыс күнінің кестесі бойынша жұмыс істейді. "№12 маршрут (Алматы-2 теміржол вокзалы – "Медеу" мұз айдыны) 1-4 қаңтар аралығында демалыс күнінің кестесіне сәйкес, жолаушыларға 20 қоғамдық көлік қызмет көрсетеді. №3 түнгі маршрут өзгермейді", - делінген хабарламада.