Жамбылдық 71 педагог халықаралық, республикалық бәсекелерде жеңімпаз атанды

Жамбыл облысының әкімі Ербол Қарашөкеев мектеп және колледж ұстаздарымен кездесіп, білім беру саласындағы өзекті мәселелерді талқылады.

Облыс әкімі еліміздің жарқын болашағы үшін аянбай тер төгіп жүрген ұстаздарға алғысын білдірді.

— Ұстаздық өте жауапты, ел дамуы мен болашағына елеулі үлес қосатын мамандық иесі. Ұлы Абай «Адамның адамшылығы – жақсы ұстаздан» деп мұғалімнің тәрбиесі мен өнегесі шәкірт болашағының түп қайнары екеніне көңіл аударған. Расында, жақсы ұстаздан тәлім-тәрбие алған баланың болашағы жарқын болары анық.