Бектенов: Уақытты ауыстыру Нобель лауреаттарының ғылыми шешімі негізінде қабылданды

Қостанай облысына жұмыс сапары кезінде премьер-министр Олжас Бектенов сағатты ауыстыру мәселесіне тоқталып, бұрынғы уақыт белдеуі табиғи ритмге сәйкес келмегенін атап өтті. Оның сөзінше, уақытты ауыстыру туралы шешім "Қазақстан ғана емес, шетелде жүргізілген терең ғылыми зерттеулерге негізделген". "2017 жылы америкалық ғалымдар тобы адамның циркадты ырғағын зерттегені үшін Нобель сыйлығына ие болды. Ғалымдар сол зерттеуде адам өзінің табиғи уақытында өмір сүрсе, өте пайдалы екенін дәлелдеген" деді премьер.