Қырғызстанда түнде жер сілкінісі болды

Қырғызстанда түнде жер сілкінісі болды, - деп хабарлайды Tengrinews.kz тілшісі. Қазақстан ГЗИ ҰЯО Ұлттық деректер орталығы мәліметінше, 20 қарашада Астана уақытымен 03:53-те Қырғызстан аумағында жер сілкінісі тіркелді. Жер асты дүмпулерінің магнитудасы - 4,6. Қазақстан ТЖМ мәліметінше, жер сілкінісінің эпицентрі Қырғызстан аумағында, Алматыдан оңтүстік-батысқа қарай 689 шақырым қашықтықта орналасқан. Қазақстан аумағында жер асты дүмпулері сезілмеген. Еске салайық, 5 қарашада таңертең Алматы облысы мен Алматы қаласында жер сілкінісі болды.