Алматы полициясы "Қазақстан" қонақүйі маңында түсірілген түсініксіз видеоны зерттеп жатыр

Желіде Алматыдағы "Қазақстан" қонақүйі маңында бір ер адам екіншісін қолынан тартып тұрғаны түсірілген түсініксіз видео тарады. Бұл ретте екінші ер адам жерде дел-сал күйде жатқаны көрінеді, - деп хабарлайды Tengrinews.kz тілшісі. Видео сипаттамасында куәгерлер ер адамдар арасында жанжал туындағанын айтқан. Жігіт ер адамды ұрып, салдарынан жәбірленуші есінен танып қалғаны айтылған. Кейбіреулер жүргізуші мен жолаушы арасында кикілжің болғанын жазған. Болжам бойынша, таксиден түскен жолаушы есікті қатты жауып, жүргізушінің ашуын келтірген.