Алматыда көлік көп жүретін көшелердің бірінде көлік қозғалысы шектеледі

Алматыда түнде Құрманғазы мен Достық көшелерінің қиылысында көлік қозғалысы жабылады, - деп хабарлайды Tengrinews.kz тілшісі. "Алматы жылу желілері" ЖШС мәліметінше, 21 маусымда сағат 23:00-ден 22 маусым сағат 9:00-ге дейін көшелердің қиылысындағы көлік қозғалысы екі бағытта да жабылады. "1986 жылдан бастап пайдалануға берілген жалпы ұзындығы 305 метр құбырды қайта жаңарту учаскесінде жоспарлы жұмыстарды жүргізу қауіпсіздігі үшін уақытша шектеулер енгізіледі. Қайта құру кезеңінде ыстық су беру сақталады.