Жаңбыр және бұршақ: Алматы мен Астанада алдағы күндері ауа райы қандай болады?

Синоптиктер алдағы үш күнде Астана мен Алматыда ауа райы қандай болатынын айтты, - деп хабарлайды Tengrinews.kz тілшісі. Астанаға арналған ауа райы болжамы 18 маусымда елордада көшпелі бұлт шығады, өткінші жаңбыр жауып, найзағай ойнап, бұршақ жаууы мүмкін. Солтүстік, солтүстік-шығыстан 9-14, екпіні секундына 15-20 метрге жететін жел соғады. Ауа температурасы түнде 16-18, күндіз 23-25 ​​градус жылы. 19 маусымда көшпелі бұлт шығады, жауын-шашынсыз. Солтүстік-шығыстан, шығыстан соғатын жел екпіні секундына 3-8 метр.