Қазақстанда бүгін ауа райы қандай болады?

Синоптиктер бүгін, 24 мамырда еліміздің басым бөлігінде найзағай ойнап, жаңбыр жауатынын және тұман түсіп, екпіні күшті жел соғатынын болжады, - деп хабарлайды Tengrinews.kz тілшісі. Ұлытау облысының батысында оңтүстік шығыстан соғатын жел оңтүстік-батысқа ауысады, екпіні 15-20 м/с-қа жетеді. Жетісу облысының Алакөл көлдері аудандарында солтүстік-шығыстан жел соғады, екпіні секундына 15-20 метрге жетеді. Облыстың шығысында төтенше өрт қаупі бар. Қарағанды облысының батысында, солтүстігінде тұман түседі.