Қазақстандағы су тасқыны: қанша тұрғын үй қалпына келтіріледі?

Индустрия және құрылыс министрлігі Қазақстанда су тасқынынан кейін қанша тұрғын үй қалпына келтірілетінін айтты, - деп хабарлайды Tengrinews.kz тілшісі. Редакцияның ресми сұрауына жауап ретінде министрлікте жергілікті атқарушы органдардың жедел ақпараты бойынша су тасқыны салдарынан зардап шеккен тұрғын үй көлемі 11 865 үй мен 24 386 саяжай үйі екенін хабарлады. Сатып алынатын тұрғын үй мен жаңадан салынып жатқан тұрғын үйдің түпкілікті саны барлық зардап шеккен нысандарды техникалық тексеру аяқталғаннан кейін белгілі болады.