Қазақстанда көлікті заңсыз тіркеумен айналысқан топ сотталды: басшы, делдал және полицейлер

Астанада автокөліктерді заңсыз тіркеумен айналысқан қылмыстық топ сотталды, - деп хабарлайды Tengrinews.kz тілшісі елордалық сотқа сілтеме жасай отырып. Астананың қылмыстық істер жөніндегі мамандандырылған ауданаралық сотында ұйымдасқан қылмыстық топты құрғаны және оған басшылық жасағаны үшін адамдарға қатысты процесс өтті (ҚК-нің 262-бабы, 2 және 3-бөліктері). Сотталушылар орындығында 32 адам болды. Іс материалдарына сәйкес, сотталушылар шетелден әкелінген автокөліктерді жаппай тіркеді және тиісті алымдар мен төлемдерді төлемеді деп айыпталды.