Бишімбаевтың соты: көріпкел қорқытулар туралы мәлімдеді

Қуандық Бишімбаев кеңес алу үшін жүгінген көріпкел өзіне қатер барын айтып, жабық есік жағдайында жауап алуды сұрады, - деп хабарлайды Tengrinews.kz тілшісі. Бүгінгі сот отырысында прокурор көріпкелден жабық есік жағдайында жауап алу туралы ұсыныс айтты. Ол қысымға ұшырап, түрлі нөмірлерден қорқытулар түсіп жатқанын айтқан. Судья өтінішті қанағаттандырудан бас тартып, көріпкелден оның жеке деректерін жарияламай және бейнесін эфирге шығармай жауап алуды бұйырды (куәгер бейнеконференцбайланыс арқылы айғақ береді).