მოლდოვის პარლამენტმა მხარი დაუჭირა დსთ-ს ფუძემდებლური დოკუმენტის და წესდების დენონსაციას
მოლდოვის პარლამენტმა მხარი დაუჭირა დამოუკიდებელ სახელმწიფოთა თანამეგობრობის(დსთ) შექმნის შესახებ 1991 წელს ხელმოწერილი შეთანხმებისა და ამ ორგანიზაციის წესდების დენონსაციას.
დსთ საბჭოთა კავშირის დაშლის შემდეგ მისი ყოფილი რესპუბლიკების უმრავლესობის მიერ შექმნილი ორგანიზაციაა.
მოლდოვის პარლამენტში კენჭისყრა 2 აპრილს ჩატარდა. საგარეო საქმეთა სამინისტროს მიერ ინიციირებული და მთავრობის მიერ 11 მარტს დადასტურებული გადაწყვეტილება პარლამენტმა უმრავლესობით, 60 ხმით მიიღო. ხმა წინააღმდეგ მისცეს სოციალისტმა და კომუნისტმა დეპუტატებმა.
Заголовки