2 აპრილიდან საქართველოს მოქალაქეებზე აშშ-ის 10-წლიანი ვიზები არ გაიცემა - საელჩოს განმარტება

2 აპრილიდან საქართველოს მოქალაქეებზე აშშ-ში შესასვლელად 10-წლიანი ვიზები აღარ გაიცემა. საქართველოში აშშ-ის საელჩო ინფორმაციას ავრცელებს საქართველოს მოქალაქეებისთვის, ვისაც ამ ქვეყანაში მოგზაურობისთვისთვის B1/B2 ვიზის აღება დასჭირდება. საელჩოს თანახმად, სავიზო დეპოზიტის პროგრამის ფარგლებში B1/B2 კატეგორიის ვიზის აპლიკანტები, რომლებიც სავიზო მოთხოვნებს დააკმაყოფილებენ, მიიღებენ 3 თვემდე ხანგრძლივობის ერთჯერად ვიზას. B1/B2 კატეგორიის ვიზები არის „არაიმიგრაციული ვიზა“, რომელიც განკუთვნილია საქმიანი ვიზიტებისა და ტურისტული/პირადი მიზნებისათვის.